Governu Timor-Leste Dúvida Ho Vasina Covid-19 Astrazeneca Nia Efisiénsia No Efikásia

Dili, 11 Fevereiru 2021: Organizasaun Mundiál ba Saúde (OMS) rekomenda atu Timor-Leste aplika vasina Astrazeneca hodi kontra Covid-19,  maibé Primeiru-Ministru Taur Matan Ruak hateten katak iha informasaun barak kona-ba Astrazeneca nia efisiénsia no efikásia ne’ebé hamosu hela dúvida, tanba ne’e Konsellu Ministru seidauk deside loloos atu sosa.

“Iha informasaun barak perturba ita, halo ita la hakmatek. Iha España hateten katak balu mak kura no balu labele, iha Portugál tinan 65 labele simu lai. Áfrika Súl haruka suspende tanba nia efisiénsia. Halo ita dúvida. Hori-sehik Konsellu Ministru, ami seidauk deside,” Primeiru-Ministru Taur hateten ohin (11/2) hafoin hasoru malu ho Prezidente Repúblika Francisco Guterres Lú Olo iha Palásiu Prezidensiál, Dili.

Tanba ne’e, nia akresenta, Governu Timor-Leste husu ba OMS atu rekolla informasaun kona-ba efisiénsia no efikásia hosi vasina Astrazeneca, nune’e wainhira serteja ona mak sei foti desizaun katak sosa ka lae.

Fonte: Mídia Presidente da República (PR)

Notísia Hotu-Hotu >