Ohin MS Hahú Halo Teste Swab Massal Iha Munisípiu Kovalima, Bobonaru No RAEOA

Dili, 15 Fevereiru 2021 – Ministériu Saúde (MS) hahú ohin (15/2) realiza ona atividade teste swab massal iha munisípiu Kovalima, Bobonaru no RAEOA, atu bele prevene transmisaun Covid-19 lokál tanba sidadaun sira kontinua tama-sai ilegál liuhosi fronteira terestre, no teste swab ne’e sei termina iha 25 Fevereiru 2021.

“Atu hato’o mós informasaun balu ba públiku katak hahú ona ohin 15 Fevereiru atividade teste swab massal hala’o ba munisípiu 3 mak hanesan Kovalima, Bobonaru no RAEOA Oekusi. Swab masal ne’e sei termina iha 25 Fevereiru,” Koodenadór Pilá VII Covid-19 Nilton do Carmo informa ohin iha Palácio das Cinzas, Dili.

Fonte: Mídia Palácio das Cinzas

Notísia Hotu-Hotu >