TL Sei Vasina Uluk Traballadór Liña Frente No Populasaun Iha Área Fronteira

Dili, 15 Fevereiru 2021 - Konsellu Ministrus iha sorumutuk estraordináriu iha Palásiu Governu, Dili, hafoin aprova tiha projetu Rezolusaun Governu nian kona-ba planu nasionál vasinasaun kontra COVID-19 nian, prevee katak iha Timor-Leste (TL) sei vasina uluk traballadór liña frente no populasaun sira iha área fronteira.

Prevee katak iha faze dahuluk bele vasina populasaun 8%, hosi 3% sira seluk korresponde ba traballadór sira iha liña frente, liuliu funsionáriu sira ne’ebé serbisu iha Unidade Kuarentena no Izolamentu, ka iha Postu – Entrada nian (Aeroportu, portu no ketan raik). 5% sira seluk hosi faze dahuluk ida-ne’e abranje ba populasaun ne’ebé hela iha área fronteira no ema sira ne’ebé pelumenus patolojia ne’ebé konsidera risku.

Iha faze daruak nian, sei abranje hosi populasaun 12%, sei inklui sidadaun sira ne’ebé ho idade 60, liuliu sira ne’ebé hela iha Rejiaun Administrativa Espesiál Oekusi Ambenu (RAEOA), iha Dili, Covalima no Bobonaru. Iha faze ida-ne’e sei abranje mós, profisionál saúde, profesór sira, pesoál restaurasaun, loja no merkadu sira, pesoál konfisaun relijioza sira, no lider komunitáriu no polítiku sira, ne’ebé hela iha RAEOA ka iha munisipiu Dili, Covalima, ka Bobonaru.

Grupu sira ne’ebé integra iha faze datoluk ne’e, kona-ba 80% sira seluk husi populasaun ne’ebé hela iha Timor-Leste, sei define konstante ba evolusaun husi klíniku nasionál sira no ritmu fornesimentu vasina nian.

Vasinasaun ne’e sei efetua iha estabelesimentu Servisu Nasionál Saúde, iha sira ne’e, sei aloka ekipa sira vasinasaun nian, liuliu treinada hodi konsidera espesifikasaun sira husi vasina kontra COVID-19.

Fonte: Mídia Gabinete do Primeiro Ministro (GPM)

Notísia Hotu-Hotu >