Manufahi, 17 Fevereiru 2021 – Padre Vigáriu Parókia Nossa Senhora de Assunção, Fernando da Silva de Araújo, hateten katak Kuarezma nu’udar tempu ba sarani sira atu halo mudansa ba hahalok kaan-teen podér, no konta ema nia privasidade.

“Tempu kuarezma hanesan tempu ba sarani sira atu halo mudansa ba hahalok kaan-teen ba podér, kaan-teen ba ema nia sasán, hahalok konta ema seluk nia privasidade, no hahalok gossyp ba ema seluk nia vida,” Padre Fernando hateten lia hirak ne’e iha nia omilia, wainhira selebra misa loron Sinza iha kuarta (17/2) ne’e iha kapela Fatuko-Holarua, Manufahi.

Nia akresenta katak kuarezma mós nu’udar tempu ba sarani sira atu halo karidade ho fuan moos, no labele fahe fali sasán restu ba ema seluk.