Governu Austrália Sei Fó Apoiu Ba Reforma ‘Bolsa da Mãe’ Iha Timor-Leste

Dili, 22 Fevereiru 2021 – Governu Austrália iha komitmentu boot atu kontinua fó apoiu ba Timor-Leste inklui asegura preparasaun programa Ministériu Solidariedade Sosiál no Inkluzaun (MSSI) nian kona-ba Reforma Bolsa da Mãe ‘Jerasaun Foun’ hodi benefisia feto no labarik vulnerável sira iha Timor-Leste.

Konselleiru Dezenvolvimentu Umanu Austrália Carli Shillito afirma Austrália nia komitmentu ne’e, hafoin ho nia ekipa hasoru malu ho Ministra MSSI Armanda Berta, ohin (22/2) iha Kaikoli, Dili, hodi ko’alia kona-ba programa Bolsa da Mãe refere.

Carli afirma komitmentu ba apoiu ne’e tanba Ministra MSSI Armanda Berta rasik husu atu Governu Austrália apoia MSSI nia programa ida ne'e, nune’e bele redúz pobreza iha Timor-Leste, enkuantu Diretór Jerál MSSI Rui Manuel Gago mós husu ba Governu Austrália atu bele tulun mellora liután sistema rejistu no pagamentu Bolsa da Mãe iha Timor-Leste.

Fonte: Ministério da Solidariedade Social e Inclusão (MSSI)

Notísia Hotu-Hotu >