Hahú Ohin CAC Implementa Ona Lei Medida Prevensaun No Kombate Korupsaun

Dili, 22 Segunda 2021 – Komisaun Anti Korupsaun (sigla portugés CAC) ofisialmente lansa ona implementasaun Lei Medida Prevensaun no Kombate Korupsaun (sigla portugés MPCC) iha okaziaun komemorasaun ezisténsia CAC nian ba dala-11, ohin (22/2) iha Ministériu Finansa Ai-tarak Laran, Dili.

Komisáriu CAC Sergio Hornai iha diskursu, nia husu ba kargu xefia sira atu fó hanoin ba malu kona-ba Lei MPCC ne’ebé tama ona iha vigór hahú ohin hodi prevene korupsaun.

“Sansaun sira kontra Lei MPCC mak sansaun administrativa, sansaun disiplinár no sansaun penál,” dehan Komisáriu Sergio.

Komisáriu CAC akresenta, nia admite katak Komisaun seidauk iha kbiit hanesan instituisaun iha nasaun seluk ne’ebé buat hotu-hotu kompletu, maibé ho komitmentu timoroan hotu nian Timor-Leste tenki hahú no organiza atu kompleta.

Fonte: Mídia Comissão Anti Corrupção (CAC)

Notísia Hotu-Hotu >