Manufahi: Iha 2021, Governu Sei Implementa Projetu Estrada Hamutuk Sanulu (10)

Manufahi, 23 Fevereiru 2021 – Governu Timor-Leste sei implementa projetu hamutuk sanulu (10) iha munisípiu Manufahi kona-ba manutensaun estrada no reabilitasaun estrada rurál iha tinan 2021 ne’e, haktuir Xefe Departamentu Jestaun Kontratu Diresaun Nasionál Ministériu Obras Públika, Deonisio da Silva Guterres, ohin (23/2) iha Administrasaun Manufahi.

Tanba ne’e, kompañia lokál hamutuk 47 iha Manufahi tuir ona formasaun durante loron rua ne’ebé fasilita hosi Governu nia parseiru dezenvolvimentu International Labour Organization (ILO) liuhosi programa Estrada Rurál ba Dezenvolvimentu (R4D), kona-ba oinsá prepara dokumentu ho didi’ak hodi kompete ba tenderizasaun projetu 10 ne’e nian.

Iha fatin hanesan, Administradór Manufahi Arantes Isaac Sarmento husu ba kompañia lokál sira atu tenke prepara-an didi’ak hodi kompete iha prosesu tenderizasaun atu labele sai fali bainaka, maibé tenke garante mós kualidade iha implementasaun.

Fonte: Diáriu "Roman ba Sosiedade" Manufahi

Notísia Hotu-Hotu >