Administradór Foun Munisípiu Aileu Simu Ona Posse

Aileu, 23 Fevereiru 2021 – Ministru Administrasaun Estatál (MAE) Miguel Pereira ho Vise MAE Lino de Jesus, fó ona posse ba Administradór foun munisípiu Aileu, Abel da Conceição, iha tersa (23/2) ne’e iha Aileu.

Ministru Miguel hateten, tomada posse ne’e nu’udar símbolu konfiansa hosi Governu Sentrál ba Administradór foun ne’e atu asume kargu hodi serví Aileu ba períodu 2021-2026, hodi substitui fali Administradór sesante.

“Administradór atuál Abel da Conceicão sei hala’o nia funsaun Estadu, Governu Sentrál nian iha munisipiu ho fuan tomak hodi garante servisu públiku hotu-hotu ne’ebé mak ita-nia populasaun sira presiza atu hetan hanesan bee-moos, estrada, eletrisidade no agrikultura ne’ebé funsiona ba komunidade sira,” dehan Ministru Miguel iha nia diskursu.

Fonte: Mídia Ministério da Administração Estatal (MAE)

Notísia Hotu-Hotu >