KSDS Hakarak PR Estende Tán EE Ba Dala-11 No Aumenta Membru F-FDTL Iha Fronteira

Dili, 24 Fevereiru 2021 – Konsellu Superiór Defeza no Seguransa (KSDS) hakarak no fó apoiu ba Prezidente Repúblika (PR) Francisco Guterres Lú Olo atu estende tán Estadu Emerjénsia (EE) ba dala-11 tuir pedidu hosi Governu, no husu mós atu aumenta membru FALINTIL-Forsa Defeza Timor-Leste (F-FDTL) iha área fronteiriza sira, hodi prevene diseminasaun Covid-19 iha Timor-Leste.

Apoiu ne’ebé KSDS hato’o liuhosi enkontru ne’ebé realiza ohin (24/2) iha Palásiu Prezidensiál Dili, entre KSDS ho Prezidente Repúblika.

Hafoin enkontru remata, Xefe Casa Civil Prezidénsia Repúblika, Francisco Vasconcelos hateten, “Medida nafatin hanesan ho uluk, só iha tán ida mak hosi F-FDTL para apoia ba iha servisu ne'ebé iha fronteira”.

Kona-ba medida seluk, hafoin Parlamentu Nasionál aprova tiha pedidu hosi Prezidente Repúblika, depois mak Governu sei deskute hodi implementa iha EE ba dala-11 ne’e.

Fonte: Mídia Ministério da Justiça (MJ)

Notísia Hotu-Hotu >