Apelu: Fatumean Labele Pániku Ho Transmisaun Covid-19 Lokál, Ida-Idak Hakmatek Iha Fatin

Dili, 24 Fevereiru 2021 – Koordenadór Forsa-Tarefa ba Prevensaun no Mitigasaun Surtu COVID-19, Rui Maria de Araújo, lori Sala Situasaun Sentru Integradu Jestaun Krize (SS-SIJK) nia naran, apela ba populasaun iha postu-administrativu Fatumean, munisípiu Kovalima, atu labele pániku ho kazu transmisaun Covid-19 lokál ne’ebé deteta ona iha Fatumean, no ida-idak tenke hakmatek iha nia fatin hodi fó tempu ba ekipa saúde atu hala’o servisu.

“Apela ba populasaun iha Fatumean atu labele pániku. Favór túr hakmatek iha idak-idak nia fatin, lalika la’o ba mai-lai, fó tempu atu ekipa saúde ho ekipa konjunta hosi Sala Situasaun buka tuir kontaktu, no foti tán amostra hodi bele halo teste,” Rui hato’o apelu ne’e ohin (24/2) iha CCD, Dili.

Nia mós husu ba populasaun iha munisípiu Kovalima no Bobonaru liuliu sira ne’ebé besik liña fronteira atu labele hakat ba mai iha fronteira tanba iha NTT-Indonézia akontese hela transmisaun komunitária.

Fonte: Mídia Palácio das Cinzas

Notísia Hotu-Hotu >