Rui Esplika Kona-ba Diferensa Entre Transmisaun Lokál Ho Transmisaun Komunitária Covid-19

Dili, 24 Fevereiru 2021 - Koordenadór Forsa-Tarefa ba Prevensaun no Mitigasaun Surtu COVID-19 Rui Maria de Araújo esplika katak eziste diferensa entre Transmisaun Lokál no Transmisaun Komunitária Covid-19 nia maneira hada’et.

“Aproveita esplika diferensa entre Transmisaun Lokál ho Transmisaun Komunitária (Covid-19). Transmisaun Lokál signifika iha kazu importadu ruma ne’ebé hada’et ona moras ne’e ba ema ne’ebé hela iha rai-laran, no la halo viájen. Transmisaun Komunitária signifika ema ne’ebé pozitivu laiha istória viájen, no laiha istória kontaktu ho ema ruma ne’ebé halo viájen,” Rui esplika ohin (24/2) iha CCD, Dili.

Tanba ne’e, nia husu nafatin ba sidadaun hotu-hotu atu labele hakat ba-mai iha fronteira tama Indonézia enfrenta hela transmisaun Covid-19 komunitária.

“Labele hakat ba-mai iha fronteira, tanba iha ita-nia nasaun viziñu akontese ona no akontese daudauk hela transmisaun komunitária,” Rui dehan.

Fonte: Mídia Palácio das Cinzas

Notísia Hotu-Hotu >