Xefe Suku Nahareka Husu MAPKOMS Hodi Implementa Mós Programa 'Naroman Ba Suku' Iha Ne'ebá

Dili, 25 Fevereiru 2021 – Xefe suku Nahareka, postu-administrativu Ossú, munisípiu Vikeke, Paulino Ximenes ho nia ekipa, iha kinta (25/2) hasoru malu ho Ministru ba Asuntu Parlamentár no Komunikasaun Sosiál (MAPKOMS) Francisco Pereira Jerónimo iha Palásiu Governu, Dili, hodi husu ba MAPKOMS atu implementa programa ‘Naroman ba Suku’ iha Nahareka.

Hatán ba ida ne’e, MAPKOMS hateten katak nia sei orienta ekipa atu ba halo uluk peskiza iha suku refere.

“Ha'u seidauk halo promesa ba ita-boot sira maibé ha'u atu hateten de'it ba Xefe suku katak ami iha ne'e iha Diresaun ida ne’ebé mak sei haree ba buat sira ne’e, fulan oin ka bainhira ne’e depende ba situasaun Covid-19 la'o normal,” Ministru akresenta.

Nia hatutan, hafoin ekipa halo tiha peskiza hodi identifika poténsia sira iha suku refere, depois mak parte MAPKOMS sei diskute no halo mós diálogu ho komunidade sira iha ne’ebá.

Fonte: Ministério dos Assuntos Parlamentares e Comunicação Social (MAPCOMS)

Notísia Hotu-Hotu >