Federal Bank La Taka Dalan Ba Governu Timor-Leste Atu Levanta Fundu Petrolíferu

Dili, 25 Fevereiru 2021 – Federal Reserve Bank of New York la taka dalan ka la impede Governu Timor-Leste atu leventa ka asesu ba konta Fundu Petrolíferu, dehan Governadór Banco Central de Timor-Leste (BCTL) Abrão de Vasconselos, liuhosi komunikadu imprensa ida ne’ebé divulga ohin (25/2).

Tanba ne’e nia esplika, Governu Timor-Leste bele halo levantamentu ba Fundu Petrolíferu wainhira de’it sé hakarak levanta ona.

“BCTL nunka hetan Impedimentu atu asesu ba konta Fundu Petrolíferu iha Banku Federal Reserve New York, no mós laiha indikasaun ruma hosi Federal Reserve Bank of New York atu hakarak foti medida ba asaun refere,” Governadór BCTL akresenta iha komunikadu imprensa ne’e.

Ne’e duni nia dehan, iha notísia balu fó sai katak ‘Federal Bank impede Governu Timor-Leste atu asesu ba konta Fundu Petrolíferu’ ne’e  la loos no laiha baze ka faktu ruma. Nune’e, nia husu atu mídia no públiku labele espalla rumoris sein justifikasaun.

Fonte: Ministério Presidénsia do Conselho Ministro

Notísia Hotu-Hotu >