Swab Massal Iha RAEOA Atinje Ona 100%, Negativu 652 No Hein Rezultadu 426

RAEOA, 01 Marsu 2021 – Teste Swab Massal ne’ebé hala’o iha area fronteiriza sira iha Rejiaun Administrativa Espesiál Oekusi Ambenu (RAEOA) atinje ona pursentu 100 (100%) ho totál amostra 1078, no rezutadu hosi teste iha laboratóriu nasionál hatudu katak negativu hamutuk 652 no 426 mak sei hein hela rezultadu, tuir informasaun ne’ebé mídia ZEESM divulga ohin (01/3).

Enkuantu amostra 1078 ne’e Servisu Komisaun Rejionál Prevensaun no Mitigasaun Surtu Covid-19 RAEOA rekolla hahú hosi 17 to’o 27 Fevereiru 2021, hosi sub-rejionál haat (4) no suku sanulu (10) ne’ebé besik liu ba fronteira ho Indonézia iha RAEOA.

Fonte: Mídia Zeems TL

Notísia Hotu-Hotu >