Alucio Monu Ho Kareta No Mate Iha Fatin, Liu Tiha Loron Haat Mak Evakua Nia Mate-Isin

Manufahi, 01 Marsu 2021 – Alucio da Conceição Mendes ho idade 50 resin, hetan asidente monu ho kareta ba rai-naruk metru 100 resin iha sexta (26/3) ne’e iha área Lihulolo, postu-administrativu Maubise, ne’ebé baliza ho munisípiu Manufahi no Ainaru, no mate kedas iha fatin, liu tiha loron haat (4) mak ekipa Bombeiru no Polísia foin ba evakua nia mate-isin iha segunda (01/3) loro-kraik.

Recardina da Conceição nu'udar  Alucio nia oan-feto boot, informa katak matebian Alucio lori kareta sai hosi uma iha sesta (26/3) liubá, nia mesak de'it no la fó hatene ba familia, atu ba vizita familia sira iha suku Holarua postu-administrativu Same, maibé la fila ba uma, tanba ne'e familia sira buka tuir, no iha segunda (01/3) ne’e foin hetan katak matebian monu ho kareta ba rai-naruk iha área Lihulolo nian.

Komandante Komandu Polísia Manufahi, superintendente Joni Viana das Regras, iha fatin akontesimentu informa katak, asidente refere akontese besik fatin ne’ebé matebian Eiz Administradór Munisípiu Manufahi Carlito Pinheiro de Araújo monu ho kareta ba iha 2018 no mate mós iha fatin.

Fonte: Diáriu "Roman ba Sosiedade" Manufahi

Notísia Hotu-Hotu >