UNTL Nia Vise Reitór Asuntu Pós-Graduasaun No Peskiza Hakotu-iis

Dili, 03 Fevereiru 2021 – Universidade Nasionál Timor Lorosa’e (UNTL) nia Vise-Reitór ba Asuntu Pós-Graduasaun No Peskiza, Gabriel António de Sá, hakotu-iis ohin (03/3) iha Ospitál Nasionál Guido Valadares (sigla portugés, HNGV), Dili, ho idade 57, hodi husik hela nia kaben ho oan na’in tolu (3).

Matebian Gabriel António moris iha munisípiu Baukau iha loron 28 fulan Fevereiru tinan 1964.

Nia simu posse ba kargu nu’udar Vise-Reitór Asuntu Pós-Graduasaun No Peskiza iha loron 29 fulan Janeiru liubá, hamutuk ho Reitór foun UNTL no ekipa sira hotu, ne’ebé realiza iha kampus UNTL Hera.

Fonte: Mídia Universidade Nacional Timor Lorosa'e (UNTL)

Notísia Hotu-Hotu >