Livru ‘Buibere Hamriik Ukun Rasik-An’ Sai Sasin Ba Feto Nia Partisipasaun Iha Luta

Dili, 05 Marsu 2021 – Prezidente Repúblika Francisco Guterres Lú Olo hateten katak livru ho títulu ‘Buibere Hamriik Ukun Rasik-An’ ne’ebé prodúz hosi Organizasaun Populár Feto Timór (sigla portugés OPMT) no Komisaun Peskiza Elaborasaun Istória Luta Feto Timór Nian, sai nu’udar sasin ba feto sira-nia partisipasaun iha luta ba libertasaun nasionál.

Prezidente Repúblika afirma ida ne’e ohin (05/4) iha Palásiu Prezidensiál, hasoru malu OPMT no Komisaun Peskiza, hodi aprezenta livru ne’e.

“Tanba ne’e foinsa’e tenke hatene asume no transmite valór no prinsípiu luta libertasaun nasionál,” Prezidente Repúblika akresenta.

Enkuantu livru ho títulu ‘Buibere Hamriik Ukun Rasik-An’ ne’e sei lansa hosi Prezidente Repúblika iha komemorasaun Loron Internasionál ba Feto, ne’ebé monu iha 08 Marsu 2021, iha Palásiu Prezidensiál Nicolau Lobato, iha oras tuku 16.00.

Fonte: Mídia Presidente da República (PR)

Notísia Hotu-Hotu >