Covid-19: Pozitivu Foun Rua Iha Dili No Ida iha Kovalima

Dili, 07 Marsu 2021: Koordenadór Forsa-Tarefa ba Prevensaun no Ministragaun Surtu Covid-19 Rui Maria de Araújo informa katak, ohin (07/3) Ministériu Saúde relata kazu pozitivu Covid-19 foun rua (2) iha aldeia Terra Santa, Tasi-Tolu, Dili, no ida tán iha Kovalima ne’ebé relata iha Sábadu (06/3).

Kazu pozitivu Covid-19 foun rua ne’e, Rui esplika liuhosi konferénsia imprensa ne’ebé hala’o ohin (07/3) iha CCD, Dili, katak deteta hosi amostra 289 ne’ebé ekipa konjunta rekolla iha bairu BTN 2, Tasi-Tolu, Dili.

“Na’in rua ne’ebé pozitivu (iha Dili) ne’e hela besik malu ka viziñu ho kazu ida ne’ebé deteta iha munisípiu Baukau […]. Pozitivu na’in rua ne’e servisu iha administrasaun públika iha ministériu balu,” Rui akresenta.

Nune’e, kazu pozitivu Covid-19 ne’ebé ativu hela iha Timor-Leste hamutuk na’in-28, no rekuperadu foun laiha.

Fonte: Mídia Palácio das Cinzas

Notísia Hotu-Hotu >