Apelu: Populasaun Iha Kapitál Dili Labele Pániku No Túr Hakmatek

Dili, 07 Marsu 2021 – Ofisiál Sala Situasaun Sentru Integradu Jestaun Krize (SS-SIJK) Rui Maria de Araújo apela ba populasaun hotu-hotu iha kapitál Dili atu labele pániku ho kazu Covid-19 ne’ebé deteta ona iha aldeia Terra Santa, Tasi-Tolu, maibé presiza túr hakmatek iha uma de’it wainhira laiha nesesidade atu halo movimentu.

“Apela ba populasaun tomak iha Dili laran atu kalma, labele pániku no túr hakmatek. […] Sé laiha nesesidade atu halo movimentu sai la presiza lai halo movimentu sai,” Rui hato’o apelu ne’e ohin (07/3) liuhosi konferénsia imprensa ne’ebé hala’o iha CCD, Dili.

Enkuantu ba aldeia Terra Santa, SS-SIJK koordena ho autoridade lokál hodi blokeia ona dezde hori-kalan, hahú hosi rate iha rai-kotu to’o nia rohan.

Ba kapitál Dili tomak, Rui dehan katak sei hein desizaun ne’ebé sei foti hosi Konsellu Ministru iha segunda (08/3) dadeer.

Fonte: Mídia Palácio das Cinzas

Notísia Hotu-Hotu >