Covid-19: Kazu Foun Na’in Sia, Inklui Estudante UNITAL Ida Iha Lautén

Dili, 22 Marsu 2021 – Ministériu Saúde ohin (22/3) rejista tán kazu foun na’in sia (9), feto hitu (7) no mane rua (2), ne’ebé kompostu hosi na’in haat (4) iha Baukau, na’in haat (4) iha Dili no na’in ida (1) iha Lautén.

Kazu foun iha Lautén ne’e Ofisiál Sentru Integradu Jestaun Krize (SIJK) Rui Maria Araújo informa ohin (22/3) iha CCD, Dili katak pasiente ne’e nu’udar estudante ida ne’ebé hala’o estudu iha Universidade Orientál (UNITAL).

“Nia halo viajen hosi Dili ba Lautén iha dia 18 Marsu 2021 […]. Iha Lautén nia hela iha aldeia Reisoru, suku Home, Lospalos Vila. Iha Dili nia hela iha aldeia Bedois, suku Kamea,” Rui esplika.

Rui relata katak iha mós pasiente na’in haat (4) ne’ebé rekupera ona ohin, nune’e totál pasiente Covid-19 ne’ebé baixa hela iha Timor-Leste oras ne’e sa’e ba na’in-211.

Fonte: Mídia Palácio das Cinzas

Notísia Hotu-Hotu >