Komandante Joni: Komunidade Sira Uza De’it Máskara Wainhira Hetan Polísia Ka F-FDTL

Manufahi, 22 Marsu 2021 – Komandante Komandu Polísia Munisípiu Manufahi, Superintendente Joni Viana das Regras hateten katak komunidade sira iha munisípiu Manufahi uza de’it máskara wainhira sira iha situasaun ka ambiente ne’ebé eziste ka hetan parte seguransa hanesan Polísia no FALINTIL-Forsa Defeza Timor-Leste (F-FDTL).

“Kuandu komunidade sira uza máskara dependente fali ba seguransa, wainhira hetan Polísia ho F-FDTL komunidade sira tau máskara. Ne’e hatudu katak komunidade nia vida iha fali seguransa nia liman,” dehan Komandante Joni, wainhira nia partisipa iha enkontru evaluasaun servisu komisaun task-force Covid-19 munisípiu Manufahi ba prevensaun transmisaun Covid-19, iha segunda (22/3) ne’e iha administrasaun munisipál Manufahi.

Joni dehan, ida ne’e hatudu katak komunidade sira seidauk iha konsiénsia atu kumpri rasik protokolu saúde hodi prevene-an hosi transmisaun Covid-19.

Maibé nia salienta katak parte Polísia nafatin halo aproximasaun ba komunidade sira hodi fó hanoin beibeik atu respeita no halo tuir protokolu saúde kona-ba prevensaun Covid-19.

Fonte: Diáriu "Roman ba Sosiedade" Manufahi

Notísia Hotu-Hotu >