Númeru Kazu Covid-19 Aumenta Tán Foun Na’in-16 Inklui Rua Iha Vikeke

Dili, 23 Marsu 2021 – Sentru Integradu Jestaun Krize haktuir iha nota imprensa ida ohin (23/03) katak, rejista tán ona kazu Covid-19 foun na’in-16, ne’ebé kompostu hosi  na’in-14 deteta iha munisípiu Dili no na’in rua (2) deteta iha munisípiu Vikeke.

Hosi na’in-14 iha Dili ne’e, na’in tolu (3) iha aldeia Bidau Tokobaru 2 suku Kulu-hún, na’in sia (9) iha aldeia 20 de Setembru suku Bebonuk, na’in ida (1) iha aldeia kakeu-laran suku Bekora, no na’in ida (1) tán iha aldeia Mota-Klaran suku Bidau.

Pasiente rekuperadu foun laiha, nune’e pasiente Covid-19 ne’ebé oras ne’e baixa iha Timor-Leste hamutuk na’in-227.

Fonte: Mídia Secretário de Estado Para a Comunicação Social (SECOMS)

Notísia Hotu-Hotu >