Covid-19: Kazu Foun 21 Iha Kapitál Dili, Pasiente Ne’ebé Baixa Hela Sa’e Ba 342

Dili, 29 Marsu 2021 –  Sentru Integradu Jestaun Krize (SIJK) relata katak ohin (29/3) rejista tán kazu pozitivu infektadu Covid-19 foun ema na’in-21 iha kapitál Dili, ne’ebé kompostu hosi mane na’in-13 no feto na’in-8, sintomátiku na’in-5 no asintomátiku na’in-16.

 SIJK esplika ohin (29/3) liuhosi Palácio das Cinzas nia divulgasaun katak, cluster 45 iha Dili mak sei nafatin hatudu atividade hada’et tutan Covid-19 ka virus corona ne’e hosi ema ida ba ema seluk, liuliu iha suku Bebonuk Fatuhada no Komoro.

Ho kazu foun 21 ne’e, nune’e rejista ona kazu infetadu hamutuk 350 iha kapitál Dili dezde deteta ba dahuluk iha 07 Marsu 2021.

Enkuantu iha mos pasiente rekuperadu foun ida (1), nune’e pasiente Covid-19 ne’ebé oras ne’e baxia hela sa’e ba na’in-342.

Fonte: Timor News

Notísia Hotu-Hotu >