Labele Ta’uk Pasiente Covid-19 Ne’ebé Rekupera No Sai Ona Hosi Izolamentu

Dili, 30 Marsu 2021 – Sentru Integradu Jestaun Krize (SIJK) hato’o apelu ba komunidade sira hotu atu labele ta’uk pasiente Covid-19 ne’ebé rekupera ona tanba pasiente ne’ebé rekupera no sai ona hosi izolamentu ne’e ekipa saúde sertifika ona katak sira laiha ona risku atu hamosu transmisaun Covid-19.

“Apela ba komunidade iha fatin ne’ebé maluk sira rekuperadu sira hela ba, favól labele ta’uk, tanba sira ne’ebé sai hosi fatin izolamentu, ekipa saúde sira sertifika ona katak sira laiha ona risku atu hada’e tutan virus ba ema seluk,” SIJK apela liuhosi divulgasaun ohin (30/3) hosi Palácio das Cinzas.

SIJK mós apela ba populasaun iha Timor-Leste liuliu iha Dili, Baukau no Vikeke atu nafatin hakmatek, no “lalika sé tilun ba lia-anin ka rumores”, pratika nafatin medida prevensaun Covid-19.

Fonte: Mídia Palácio das Cinzas

Notísia Hotu-Hotu >