Rezultadu Teste Rastreiu Covid-19 Ba Primeiru-Ministru Ho Nia Família Negativu Hotu

Dili, 31 Marsu 2021 – Teste rastreiu Covid-19 ho métodu PCR ne’ebé Ekipa Vijilánsia Epidemiolójika no Komunitária halo ba Primeiru-Ministru Taur Matan Ruak ho nia membru família sira iha domingu (28/3) ne’e iha nia rezidénsia Metiaut, Dili, hafoin liu tiha oras 24 rezultadu laboratoriál hatudu katak tantu Primeiru-Ministru no sira seluk ne’ebé hetan teste iha rezidénsia Metiaut ne’e Negativu hotu, haktuir komunikadu imprensa ne’ebé divulga ohin (31/3).

Primeiru-Ministru rasik hetan ona teste rastreiu Covid-19 ne’e dala rua, ne’ebé dahuluk realiza iha 08 Marsu liubá no daruak iha domingu foin lalais ne’e, no teste ba dala rua ne’e negativu hotu.

Fonte: Mídia Gabinete do Primeiro Ministro (GPM)

Notísia Hotu-Hotu >