Dili, 31 Marsu 2021 – Ministériu Ensinu Superiór, Siénsia no Kultura (MESSK) liuhosi Unidade Koordenasaun Apoiu Estudante (UKAE), atribui subsídiu eskolár ba Veteranu sira-nia oan hamutuk ema na’in-19 no Veteranu na’in-2 hodi hala’o estudu iha rai-laran.

Subsídiu refere MESSK atribui liuhosi asina kontratu ho benefisiáriu sira iha tersa (30/3) ne’e iha edifísiu MESSK, Dili.

Subsídiu ne’e fahe mós ba kategoria tolu mak hanesan, Diploma III ema na’in-2, Lisensiatura ema na’in-17, no Mestradu ema na’in-2.