Dili: Governu Estende Tán Serka Sanitária To’o 17 Abril No Bandu Nafatin Sirkulasaun

Dili, 01 Abril 2021 – Konsellu Minsitru realiza enkontru ohin (01/4) liuhosi vídiu-konferénsia no aprova projetu rezolusaun kona-ba nafatin estende ka mantéin serka sanitária no konfinamentu domisiliáriu jerál populasaun nian iha munisípiu Dili to’o 17 Abril 2021 ho oras 23:59.

Ba estensaun refere, Governu mós mantéin regra hotu-hotu ne’ebé define ona iha rezolusaun anteriór kona-ba serka sanitária no konfinamentu antes ne’e, nune’e sidadaun hotu-hotu ne’ebé hela iha Dili sei kumpri nafatin konfinamentu domisiliáriu jerál ka hela de’it iha uma.

Governu mós kontinua bandu sidadaun sira atu halo sirkulasaun hosi munisípiu Dili ba munisípiu seluk no hosi munisípiu seluk ba Dili, exetu iha kazu sira ne’ebé ho fundamentu no razaun forte relasiona ho seguransa públika, saúde públika, asisténsia umanitária no importánsia ba interese públiku nian.

Fonte: Mídia Ministério do Petróleo e Minerais (MPM)

Notísia Hotu-Hotu >