Ohin Pasiente Covid-19 Na’in-51 Rekupera, Kazu Foun Na’in-37

Dili, 03 Abril 2021 – Komunikadu imprensa hosi Sentru Integradu Jestaun Krize (SIJK) haktuir, ohin (03/4) iha pasiente Covid-19 na’in-51 mak rekupera ona, no rejista hikas mós kazu foun na’in-37 ne’ebé kompostu hosi feto na’in-12 no mane na’in-25.

Hosi kazu foun refere na’in-36 deteta iha munisípiu Dili no na’in-1 deteta iha munisípiu Kovalima.

“Kazu pozitivu ida (iha Kovalima) ne’e halo viajen hosi Dili iha dia 02 de Abril de 2021. Iha Dili nia hela iha Fatuhada,” haktuir iha komunikadu imprensa ne’e.

Nune’e kazu Covid-19 detetadu iha Dili dezde 07 Marsu liubá to’o agora hamutuk na’in-563 ona, no iha Kovalima hamutuk na’in-20 ona dezde deteta ba dahuluk iha munisípiu refere.

Tanba ne’e, totál jerál pasiente Covid-19 ne’ebé oras ne’e baixa hela iha Timor-Leste hamutuk na’in-447.

Fonte: Timor News

Notísia Hotu-Hotu >