Estudante Universitáriu Sira-Nia Propinas Governu Mak Sei Selu

Dili, 03 Abril 2021 – Governu promete katak sei fó apoiu ba estudante sira hodi hala’o ensinu online, no sei selu mós estudante universitáriu sira-nia propinas, tuir Ministru Prezidénsia Konsellu Ministru Fidelis Magalhães afirma liuhosi nia divulgasaun ohin (03/4).

“Governu fó hela apoiu ai-hán liuhosi universidade sira no sei fó apoiu selu propinas no apoiu ba ensinu online,” Fidelis afirma.

Tanba ne’e, nia dehan, iha loron rua ka tolu mai tán Parlamentu Nasionál sei realiza debate kona-ba apoiu hirak ne’e.

Apoiu refere Governu sei fó tanba estudante sira la hala’o aprendizajen prezensiál relasiona ho serka sanitária ne’ebé oras ne’e Governu implementa hela iha Dili.

Kona-ba estudante sira-nia moris iha Dili durante serka sanitária, Fidelis hateten, Governu fó hela apoiu ai-hán liuhosi universidade sira, tanba ne’e nia husu atu evita lori moras ba família sira iha munisípiu seluk.

Fonte: Ministério Presidénsia do Conselho Ministro

Notísia Hotu-Hotu >