}
Uniaun Europeia Hili Sentru Direitus Umanus UNTL Nudar Istória Susesu

Dili, 25 Juñu 2020 -  Kampus Globál Direitus Umanus hakarak fó hatene ba públiku katak iha loron 15 fulan-Juñu Uniaun Europeia (UE) hili projetu ida ne’e hosi projetu barak seluk atu sai istória susesu “Relatóriu Direitus Umanus no Demokrasia iha 2019 husi Uniaun Europeia”!

Dezde 2019 Kampus Globál ajuda UNTL atu dezenvolve edukasaun direitus umanus no peskiza. Instalasaun Sentru Direitus Umanus UNTL inaugura iha Agostu ikus iha serimónia ida hanesan parte hosi ajenda nasionál kona-ba komemorasaun ba selebrasaun aniversáriu tinan 20 husi konsulta públika, ho prezensa hosi José Ramos-Horta no Ministru Longuinhos dos Santos, hamutuk ho ofisiál senior sira barak husi Estadu no dignatáriu internasionál sira. 

Objetivu hosi Sentru ne'e atu habelar direitus umanus hosi 2021 liu husi Fakuldade UNTL sia hotu hanesan matéria transversál, no sei atu envolve iha rede internasionál no atividade peskiza atu sai membru husi Kampus Globál Ázia-Pasífiku hamutuk ho universidade husi ASEAN. Tanba razaun ida-ne'e, ami daudaun fó formasaun ho susesu ba profesór, peskizador, no funsionáriu sira atu sai rekursu futuru Sentru nian. 

Projetu ne'e agora iha faze ikus no iha ona rezultadu importante, rezultadu husi serbisu maka’as tebes, koordenasaun di'ak tebetebes entre parte sira i importante liu tanba tradisaun, prátika, no ezijénsia husi direitus umanus iha Timor-Leste. Projetu nia hili ida nudar istória susesu ba “Relatóriu Direitus Umanus no Demokrasia iha 2019 husi Uniaun Europeia” mak susesu importante ba UNTL no ba Kampus Globál.

Lee relatóriu kompletu iha ne'e!

Autór: Kampus Globál Direitus Umanus UNTL