}
ChildFund no Library For All Lansa Biblioteka Dijital ne’ebé Gratuitu

Dili, 08 Jullu 2020: Atu halo material lee-nian asesivél ba labarik sira, ChildFund parseria ho Library For All lori biblioteka dijitál ho livru labarik sira-nia mai Timor-Leste.

Ema ne’ebé de’it mak uza telemovel Android bele Download aplikasaun husi Google Play Store no asesu ba livru 100 ne’ebé mak hakerek iha lian Tetun.

Labarik sira bele asesu ba istória kriativu ne’ebé oioin no informasaun husi livru, livru sira ne’e hakerek husi autór Timoroan. Aplikasaun ida ne’e mós iha selesaun livru balun husi Ministériu Edukasaun ba labarik sira ne’ebé foin aprende lee. No mós ita bele hili livru balun husi mundu, inklui Papua Nova Giné, Laos no livru balun husi Estadus Unidus Amérika.

Atu uza biblioteka gratuitu ida ne’e, simples de’it liu husi download Library For All nia aplikasaun, instala ba ita-nia telemovel ka tabuleta no halo tu’ir matadalan ba rejistu. Ema ne’ebé de’it bele download aplikasaun ne’e no bele lee livru bainhira offline.

Le'e komunikadu kompletu iha ne'e!

Autór: Timor News