Oportunidade Ba 'News Editor' No Jornalista

Timor News agora dadauk loke hela oportunidade ba foinsa'e sira ne'ebé hakarak aprofunda ninia koñesimentu ba iha área jornalizmu nian ba funsaun Jornalista, Reporter no Editor atu bele ekspresa ninia interese hodi hola parte iha ami nia ekipa.

Kritériu sira mak hanesan tuir mai ne'e:

  • Iha esperiénsia hakerek;
  • Iha sertifikadu formasaun ba Jornalizmu;
  • Mínimu remata Ensinu Sekundáriu;

Prefere liu:

  • Koalia no hakerek Tetun ho di'ak;
  • Hatene lian Inglés.

Tipu oportunidade ne'ebé ami iha:

  1. Estajiáriu
  2. Voluntáriu
  3. Kontratadu ho saláriu

Ba interesadu sira bele haruka imi nia Karta Aplikasaun "refere ba tipu oportunidade ne'ebé atu aplika", CV no Sertifikadu Formasaun nian ba iha [email protected] no ami sei kontaktu fali aplikante sira ne'ebé elijível ba tipu oportunidade ida entre tipu tolu ne'ebé temi iha leten. Ami sei loke oportunidade ne'e to'o hetan kandidatu no tarde liu mak 15 Dezembru 2020.

Ami iha fatin no oportunidade limitadu, aplika ona agora!

Data ikus submissaun: 15/12/2020