Dili, 24 Janeiru 2021 – Sekretaria Estadu ba Formasaun Profisionál no Empregu (SEFOPE) liuhosi Diresaun Nasionál Empregu Exteriór, servisu hamutuk ho ekipa Ospitál Nasionál Guido Valadares (sigla portugés HNGV), ohin (24/01), realiza teste PCR Covid-19 ba traballadór timoroan hamutuk na’in-39 iha Laboratórium HNGV, Bidau, Dili, tanba sira atu aranka ba servisu iha Korea Súl iha 25 Janeiru 2022 iha área peska.

Hosi rezultadu PCR ne’e, karik hatudu negativu entaun sira sei halo kuarentena durante kalan ida molok atu aranka, no to’o iha Korea Súl mós sei halo tán kuarentena durante loron sanulu.

Iha 21 Janeiru liubá parte SEFOPE asina ona deklarasaun ho traballadór hirak ne’e ida-idak ninia família no realiza serimónia despedida.

“Serimónia asina deklarasaun ida ne’e ho sentidu katak família pronto atu husik nia oan ka nia la’en sees hosi nia leet hodi ba servisu iha Korea Súl, nune’e karik mosu problema liuhosi ita-nia hakarak parte rua iha hotu responsabilidade,” Diretór Diresaun Nasionál Empregu Exteriór Filomento Soares hateten iha serimónia asinatura deklarasaun ne’e.

Tuir loloos iha ema na’in-40 mak atu aranka, maybe na’in-1 rezigna-an tanba hetan difikuldade iha orsamentu.