Dili, 04 Marsu 2022 – Agrikultór Santiago Barros Ximenes husu ba parte Governu atu kanaliza bee-moos ho di’ak ba agrikultór sira iha Timor-Leste tanba barak mak halo to’os hodi kuda modo no seluk tán ba nesesidade moris nian maibé hasoru beibeik difikuldade iha bee-moos.
Santiago informa ba Timor News, ohin (04/5) iha nia to’os, Manleuana, Dili, no nia akresenta katak ninia to’os hodi kuda modo durante ne’e depende de’it ba udan-been hodi rega maibé wainhira udan para entaun difísil atu hetan bee.
“Bee laiha, uza udan-been de’it. Baibain ne’e pam ne’e maibé agora aat tiha pasénsia bee laiha,” Santiago esklarese.
Tanba ne’e Santiago husu ba Governu atu haree bee-moos ba agrikultór sira. Nia mós ezije atu Governu resolve lalais kanalizasaun bee-moos iha bee-matan Tohu Metan, Kasnafar, Dili, ne’ebé hetan estragus hosi udan boo foin lalais ne’e.
Fonte: Timor News