CNN, 19 Maiu 2022 - Prezidente Repúblika Portugeza, Marcelo Rebelo de Sousa, hateten katak ninia partisipasaun iha serimónia selebrasaun restaurasaun independénsia Timor-Leste nian ba dala-20 no iha okaziaun pose prezidente foun José Ramos Horta nian, nu’udar alegria istórika ida ba nia. Vizita ida ne’e mós nu’udar ninia vizita dahuluk ba Timor-Leste, nasaun membru CPLP nian úniku ne’ebé durante ne’e nia seidauk konsege vizita.
Prezidente Portugeza hateten katak depois asumi tiha kargu prezidénsia nian iha 2016, nia seidauk konsege ba Timor nune’e mós prezidente sesante Timor-Leste, Francisco Guterres Lú-Olo, la konsege mai Portugal, iha parte ida mós tanba pandemia, ne’ebé vizita ne’e atu hasoru sira nain-rua dala ida. Nune’e, nia sei iha Timor-Leste to’o Domingu no sei iha mós enkontru ho Primeiru-Ministru Taur Matan Ruak no xefe estadu antigu Xanana Gusmão.
Fonte: CNN International