Reinu Unidu, 10 Maiu 2021 – Profesora Siénsia ida ho naran Amy Anderson, konta tuir katak iha 2007 nia komesa sente iha susuben maske nia la isin-rua no nia komprende katak buat ruma lao laloos ona. Nune’e, nia ba konsulta ikus mai deskobre tumor iha nia kakutak no doutór sira hateten ba nia katak dalaruma nia labele ona iha oan ka sai inan.
“Buat hotu komesa hosi ulun moras maibé wainhira iha susuben mak ha’u komprende katak buat ruma laloos ona ho ha’u”, Amy konta tuir.
“Wainhira médiku sira deskobre katak ha’u iha tumor, sira hateten katak presija halo operasaun lalais, tanba tumor ne’e hanehan hela nervus (saraf, iha lian Indonézia) iha ha’u nia matan kotuk”, Amy hateten hodi hanoin kona mós katak mehi atu sai inan karik labele ona realiza.
Buat ne’ebé interesante mak, wainhira Amy halo hela tratamentu ba nia tumor, deskobre katak Amy isin-rua ona. Prosesu isin-rua ne’e akompaña hosi doutór sira no ikus mai iha Novembru 2008 moris oan dahuluk ho naran Amelia. Depois ida ne’e, iha tán oan nain rua ho naran Freddie no Matilda.
Depois halo hela de’it tratamentu, doutór sira hateten ba Amy katak karik tumor ne’e sei labele moris tan ona iha nia kakutak.
Fonte: Notícias ao Minuto