Europa, 25 Juñu 2021 – Sentru Europeu ba Prevensaun no Kontrolu Moras (ECDC) analiza no estima katak transmisaun variante Delta sei domina pursentu 90 (90%) hosi kazu Covid-19 iha Uniaun Europeia (UE) iha fulan Agostu 2021.
“Ami estima katak iha fín Agostu (variante Delta) sei sa’e to’o pursentu 90 hosi kazu Covid-19 hotu-hotu ne’ebé sirkula iha UE,” dehan Diretor ECDC Andrea Ammon, haktuir BBC ohin (25/6).
Tuir evidénsia sientífika ne’ebé iha, variante Delta infeta maka’as liu duke variante seluk ne’ebé sirkula hela. Tanba ne’e mak ECDC mós husu ba membru UE sira atu aselera vasinasaun.
Ammon konsidera katak importante tebes atu lansa vasina ho velosidade alta hodi impede diseminasaun variante no redúz nia impaktu ba saúde.
“Iha faze ida ne’e importante loos mak vasinasaun doze daruak fó ba indivíduo susetível sira atu hetan protesaun,” dehan Ammon.
Fonte: BBC News