Dili, 08 Jullu 2021 – Vasina AstraZeneca hamutuk doze 40.000 resin hosi Austrália to’o tán iha Timor-Leste ohin (08/7) ne’ebé lori hosi aviaun airnorth, atu apoia Ministériu Saúde Timor-Leste hodi kontinua halo kampaña imunizasaun kontra Covid-19.
Iha divulgasaun ofisiál ohin (08/7), Embaixada Austrália informa, “Austrália komprometidu hodi fornese ba Timor-Leste ho doze vasina Covid-19 natoon ne’ebé seguru hodi kobre pursentu 80 ba populasaun ne’ebé mak la kobre hosi Covax”.
Iha semana kotuk Austrália haruka mós vasina hamutuk doze 65.000 no molok ne’e haruka tiha ona balu, nune’e to’o agora vasina AstraZeneca ne’ebé apoia hosi Austrália ba Timor-Leste hamutuk doze 175.000 ona.
“Hamutuk ita proteje moris no foka ba vid aka moris agrikultór nian no servisu hodi hasoru virus terível ne’e”, tenik hosi Embaixada Austrália.
Fonte: Mídia Australia in Timor-Leste