RAEOA, 14 Agostu 2021 – Prezidente Autoridade RAEOA-ZEESM Arsénio Bano ho nia ekipa, iha sábadu (14/8) ne’e, vizita fatin rua ne’ebé prepara ona nu’udar semitériu ba óbitu Covid-19 iha RAEOA.
Divulgasuan ofisiál hosi parte autoridade RAEOA-ZEESM haktuir, fatin semitériu rua ba óbitu Covid-19 ne’ebé ekipa autoridade vizita ne’e mak ida lokaliza iha aldeia Fatubijae, suku Bobokase, ho rai éktare rua, no ida seluk iha Tulaika, Lifau, ho éktare ida.
Rai éktare rua iha Fatubijae ne’e oferese gratuitamente hosi Jestór Pante-Makasar nu’udar na’in ba rai refere.
Autoridade RAEOA nia preparasaun ba semitériu Covid-19 ne’e ho objetivu atu kria kondisaun dignu ba ema ne’ebé mate ho Covid-19 iha RAEOA hodi labele akontese hanesan nasaun seluk ne’ebé hakoi mate-isin hamutuk de’it tanba mate-isin barak.
Fonte: ZEESM Timor-Leste