Dili, 27 Outubru 2021 – Relasiona ho loron finadu ne’ebé sei selebra iha 02 Novembru no loron ne’e mós besik daudauk ona, nune’e, Diresaun Nasionál Transporte no Tereste (DNTT) hasai karta ida hodi aviza ba kondutór transporte públiku sira atu tula pasajeiru labele liu kapasidade kareta nian atu nune’e bele evita asidente iha estrada públiku.

“Fó hatene ba kondutór ka kareta-na’in transporte públiku hanesan bus, mikrolete ho angguna ne’ebé hala’o sirkulasaun hodi tula pasajeiru iha teritóriu Timor laran tomak katak, labele tula pasajeiru liu kapasidade kareta nian, no tenke tula pasajeiru tuir lisensa ne’ebé Diresaun Nasionál no Diresaun Munisípiu sira fó sai,” DNTT akresenta iha karta ofisiál asina hosi parte DNTT no Polísia Nasionál Timor-Leste (PNTL), ne’ebé Timor News asesu ohin (27/10).

Parte DNTT hateten katak, wainhira tula pasajeiru la tuir lisensa tarjetu ne’ebé fó sai entaun PNTL sei fó sansaun tuir lei no regulamentu ne’ebé iha.