Dili, 01 Marsu 2021 – Sentru Formasaun Téknika no Komunikasaun (sigla portugés, CEFTEC) hahú ona formasaun faze dahuluk nian iha tinan 2021, ne’ebé loke ofisialmente hosi Sekretáriu Estadu Komunikasaun Sosiál (SEKOMS) Merício dos Reis Akara, ohin (01/3) iha Auditóriu Muzéu Rezisténsia, Dili, no sei partisipa hosi Formandu hamutuk na’in-225.
Iha intervensaun, SEKOMS husu ba Formandu hirak ne’ebé sei partisipa iha formasaun ne’e atu aproveita ho di’ak, liuliu mídia sira tenke aproveita no aprende, kumpre kode étika jornalizmu nian nune’e bele iha koñesimentu iha área komunikasaun sosiál.
Enkuantu formasaun refere loke ho matéria ba Unidade Multimedia, Unidade Televizaun, Unidade Hakerek Imprensa, Unidade Rádiu, Unidade Komunikasaun iha Situasaun Krize, Unidade Komunikasaun Relasaun Públiku no Protokolu, Unidade Komunikasaun Lian Portugés Jornalizmu no Unidade Komunikasaun Lian Tetún Jornalizmu.
Fonte: Mídia Secretário de Estado Para a Comunicação Social (SECOMS)