Dili, 27 Agostu 2021 – Klubu futeból Manchester United ofisialmente halo ona akordu folin ho klubu Juventus hodi lori fila hikas jogadór ho nasionalidade Portugál Cristiano Ronaldo ba joga fali iha Manchester United, haktuir The Guardian ohin (27/8).
Jogadór estrela futeból ne’e sei hala’o teste médiku iha oras balu tuir mai no tuir espetativa katak nia sei hala’o ninia kareira durante tinan rua iha Manchester United.
“Hafoin rona tiha katak Manchester City la interesadu ona atu sosa jogadór avansadu Portugál nian ne’e, nune’e, Manchester United halo kedas kontaktu ho Cristiano Ronaldo nia ajente no parte Juventus,” haktuir The Guardian.
Cristiano Ronaldo molok ne’e halo ona istória lubuk ida hamutuk ho Manchester United dezde tinan 2003 to’o 2009 hafoin muda hosi klubu Sporting Lisbon no molok ba iha klubu Real Madrid.
Fonte: The Guardian