Jornalista: Jacinto Amaral Soares DNTT ‘LOHI’ ALDEIA MORIS FOUN KATAK ATU AUMENTA MIKROLETE 013 IHA TEMPU BADAK

Dili, 04 Fevereiru 2022 – Xefe Departamentu Rejistu Veíkulu, Diresaun Nasionál Transporte no Terestre (DNTT), Amandio do Rosário, hateten katak atu aumenta mikrolete númeru 013 presiza pedidu hosi komunidade no autoridade lokál sira atu nune’e parte DNTT bele ba halo survey ba fatin no route.

“Wainhira komunidade ne’ebe hela iha ne’eba ezije ona, mais-ou-menus liuhosi Xefe Aldeia ka Xefe Suku ruma, haruka karta ida mai iha DNTT katak fatin ida ne’e presiza duni transporte públiku ruma para komunidade sira atu asesu […] So ida ne’e mak bazeia ba sira-nia karta ne’e mai iha diresaun, ekipa ida bele ba survey fatin ne’e. So ida ne’e mak ita bele responde sira-nia nesesidade. Se ita ko’alia de’it dehan jalur 013 loke ne’e laiha faktus ida,” Amandio do Rosário hateten, ohin (03/02), iha nia knaar-fatin, Balide, Dili, nu’udar resposta ba jornalista Timor News nia pergunta kona-ba planu implementasaun mikrolete 013 ne’ebé iha 11 Agostu 2021 liuba Diretór DNTT Natalino do Rosário dehan ‘atu aumenta iha tempu badak’.

Iha momentu ne’eba Diretór DNTT dehan, ekipa halo hotu ona survey ba mikrolete 013 nia route, maibe Xefe Departamentu Rejistu Veíkulu Amandio do Rosário informa fali ohin katak DNTT seidauk halo survey.

“Deskulpa media, ha’u foin liga hela ba nia antes ita atu mai entrevista maibé nia dehan la’os survey, nia dehan (DNTT) la’o ba haree fatin. […] Ha’u telefone ba nia no nia dehan seidauk halo survey maibé ami la’o haree,” Xefe Departamentu ne’e dehan.

Maibe, iha 11 Agostu 2021 liubá Diretór DNTT Natalino do Rosário hateten ho klaru katak survey ba mikrolete 013 nia route halo hotu ona no DNTT mós rejista ona mikrolete 100 resin ne’ebé hakarak halo movimentu nu’udar mikrolete 013.

“Agora daudauk ita-nia maluk (mikrolete nia na’in) sira ne’ebé mak hato’o ona pedidu, balu direitamente mai iha DNTT, balu liuhosi ministériu ne’ebá, no pedidu (atu aumenta mikrolete 013 iha Dili) ne’ebé mak DNTT simu hamutuk 106 ka 107 hanesan ne’e. Tanba ne’e mak DNTT halo ona survey ba iha ponte foun (ponte Komoro III) ninian. Tuir planu ne’e atu tau mikrolete 013. Tanba ne’e route ne’e ami halo survey hotu ona, maibé pedidu (hosi mikrolete nia na’in sira) atu halo operasaun (ba 013) ne’ebé tama mai ne’e iha 100 resin kedas. [...] Tanba ne’e agora daudauk ami estuda hela. [...] Maibé lalais iha fulan ida ne’e nia laran bele realiza ona,” dehan Diretór DNTT iha momentu ne’ebá iha nia knaar-fatin, Dili.

Fonte: Timor News
Saúde
HNGV Rejista Kazu Moras Denge Barak Relasiona Ho Tempu Udan
HNGV rejista kazu moras denge barak relasiona ho tempu udan.
Justisa
ANTI Timor-Leste Kontra Makaas Prabowo nia Kandidatura ba Eleisaun Prezidensiál 2024
ANTI husu ba eleitór Indonézia atu lalika fó votus ba Prabowo Subianto no ba komunidade internasionál atu kaer nia hodi responsabiliza violasaun direitu umanu ne’ebé nia komete iha pasadu.
Polítika
MSSI Tau Prioridade ba Asuntu EhD no Idozu iha Orsamentu 2024
MSSI tau prioridade ba asuntu ema ho defisiénsia, idozu, no direitu ba labarik iha orsamentu jerál tinan 2024 ninian.
Saúde
Moras Infesaun Respiratória Kontinua Rejista Barak Iha SS Komoro, Impaktu Hosi Rai-Rahun
Moras Infesaun Repiratória kontinua rejista barak iha SS Komoro, impaktu hosi rai-rahun.
Seguransa
Governu Sei Rekruta Membru PNTL Foun Na'in-450 iha Tinan 2024
Governu liuhosi ministériu interiór sei rekruta membru PNTL foun hamutuk na'in-450 iha tinan 2024 hodi reforsa liután seguransa iha rai laran.
Edukasaun
UNTL ho INFORDEPE Realiza Formasaun Baxarelatu ba Profesór Na'in-1.275 iha Territóriu Nasionál
UNTL Koopera ho INFORDEPE hodi realiza formasaun baxarelatu ba profesór hamutuk na'in-1.275 iha territóriu nasionál.
Justisa
ANTI Timor-Leste Kontra Makaas Prabowo nia Kandidatura ba Eleisaun Prezidensiál 2024
ANTI husu ba eleitór Indonézia atu lalika fó votus ba Prabowo Subianto no ba komunidade internasionál atu kaer nia hodi responsabiliza violasaun direitu umanu ne’ebé nia komete iha pasadu.
Justisa
Xanana: Kuandu Imi Hasai Populasaun Sira Nia Sasan Arbiru, Ha’u Prontu Toba iha Ne’e
PM Xanana hateten ba juíz sira TDD katak kuandu sira-nia desizaun kontra ona direitu umanu hodi hasai no soe arbiru populasaun sira-nia sasan, nia prontu toba iha fatin refere.
Polítika
MSSI Tau Prioridade ba Asuntu EhD no Idozu iha Orsamentu 2024
MSSI tau prioridade ba asuntu ema ho defisiénsia, idozu, no direitu ba labarik iha orsamentu jerál tinan 2024 ninian.
Sosiál
Komunidade Balu ba Hariis Fali iha Bee Matan Tohumeta, BTL Sei Haruka Karta ba PNTL
BTL, EP sei haruka karta ba PNTL hodi asegura bee matan Tohumeta hodi evita komunidade sira labele ba hariis tan iha ne'ebá iha futuru.
Edukasaun
Xanana Husu ba Bispu Na'in Tolu Hodi Halo Mudansa ba Sistema Edukasaun Iha UCT
PM Xanana husu ba Bispu na'in tolu hodi halo mudansa ba sistema edukasaun iha UCT atu bele diferente ho universidade no institutu superiór sira seluk.
Edukasaun
Ministériu Edukasaun Sei Harii Eskola Primária Ida iha Aldeia Ilatbote
Ministériu Edukasaun sei harii eskola Primária ida iha aldeia Ilatbote, Kailaku hodi fasilita estudante sira iha aldeia refere bele asesu ba iha eskola ne'ebé mak besik.
Seguransa
Ekipa Konjunta PNTL Kaptura Suspetu Na'in Rua Ne'ebé Na'ok Laptop Iha Dili
Ekipa konjunta hosi PNTL kaptura suspeitu hamutuk na'in rua ne'ebé mak komete iha kazu na'ok laptop iha Dili.
Sosiál
Ahi Han Motuk Komunidade Ida nia Uma iha Suku Grotu
Ahi han motuk uma komunidade ida iha suku Grotu postu adminístrativu Same munisípiu Manufahi.
Edukasaun
ME Halo Abertura ba Levantamentu Dadus Profesór Sira Nian iha Territóriu Nasionál
ME halo abertura levantamentu dadus profesór sira-nian iha munisípiu hotu inklui RAEOA.
Seguransa
MI Planeia Reabilita Eskuadra no Harii Kuartél PNTL iha Munisípiu Aileu
MI planeia reabilita eskuadra no harii kuartél PNTL iha munisípiu Aileu hodi PNTL sira iha munisípiu refere bele hala'o sira-nia servisu ho di'ak liután.