
Dili, 20 Setembru 2023 - Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál, Domingos Lopes Lemos, hateten katak estudante hamutuk rihun 57 sei tuir ezame nasionál iha loron 16 fulan Outubru tinan 2023, kompostu hosi estudante ensinu báziku to'o ensinu sekundáriu tékniku vokasionál. Domingos hato'o lia hirak ne'e hafoin halo vizita ba sentru imprensaun kompañia Silvia hodi haree prosesu imprensaun ba matéria ezame nasionál nian iha Kuarta (20/09) iha Kolmera, Dili.
Iha vizita ne'e Domingos hateten katak iha tinan ne'e la halo imprime ba matéria ezame nasionál iha sentru imprensaun Komoro ho razaun katak sentru refere sei uza hela mákina manuál, tanba ne'e mak ministériu edukasaun loke tenderizasaun hodi kompañia sira ba aplika, ikus Silvia mak manan hodi hahú imprimi ba matéria refere iha loron 4 fulan Setembru no sei remata iha 12 Outubru tinan 2023 ho orsamentu hamutuk dolar rihun 218.
Fonte: Ministério da Educação, Juventude e do Desporto (MEJD)














