Dili, 12 Setembru 2021 – Facebook aprezenta ókulu intelijente ho konseitu Artificial Intelligence (AI) jerasaun dahuluk ne’ebé hanaran Ray-Ban Stories.
Ókulu intelijente ne’e kompleta ho funsionamentu kámera hodi foti imajen no vídiu, mikrofone no speaker hodi rona podcast, no asistente lian hodi fó posibilidade ba utilizadór atu kontrola sein uza liman.
Ókulu intelijente ne’e sei fa’an ho folin hahú hosi rihun $299. Produtu refere eziste modelu kombinasaun 20, no provizoriamente asesível atu sosa liuhosi online no iha sentru komersiál iha Estadus Unidus, Austrália, Kanadá, Irlándia, Itália, no Inglatera.
“Ami-nia misaun mak tulun kria sasán ne’ebé sei apoia ema hodi sente konektadu wainhira de’it no iha ne’ebé de’it,” dehan Monisha Perkash nu’udar Péritu Facebook, haktuir The Guardian (12/9).
Ókulu intelijente ne’e iha kamera 5MP bele uza hodi foti imajen ka vídiu ho durasaun to’o segundu 30 utiliza capture button ka ho lian komandu asistente Facebook.
Ókulu ne’e mós kompleta kedas ho aplikasaun Facebook View foun, nune’e utilizadór bele partilla ambiente ka ponto-de-vista no memória sira iha Facebook.
Fonte: CNN International