Estadus Unidus Amérika (EUA), 09 Maiu 2021 - Kazál Carlos no Patty Hernandes ne'ebé ho idade 39 moris iha Charlotte, Kalifórnia Norte, Estadus Unidus Amérika. Kazál ne'e la taka dalan atu aumenta tán sira nia oan no foin lalais moris tán ona oan ba sanulu-resin-neen ne'ebé ho naran Clayton.
"Ha'u nia oan sira hotu nia naran komesa ho letra 'C' no ami hakarak atu kontinua ida ne'e. Ha'u nia kaben naran Carlos [...] no letra 'C' ne'e hanesan omenajen ida ba nia", Patty esplika ba The Mirror.
"Maromak mak haraik mai ami labarik sira ne'e hotu. Ha'u hatene katak ema balu la aseita no iha komentáriu online ne'ebé ladun di'ak, maibé ba ami ida ne'e nu'udar ksolok bo'ot ida", inan hosi família bo'ot ne'e aumenta.
Clayton mai hamutuk ho ninia maun nain-15 ne'ebé ho idade boot liu mak tinan 13. Família gasta ba hahán besik 912 dólar Amérika iha kada loron 15.
Clayton ne'ebé foin moris aumenta tan Carlos Jr. tinan 13, kaduak 'Carla no Caitlyn' tinan 10, 'Calvin no Catherine' tinan 6 no 'Caleb no Caroline' tinan 3. Sei iha tan Christoper tinan 11, Christian tinan 9, Celeste tinan 8, Cristina tinan 7, Carol tinan 4, Camila tinan 2, Charlotte no Crystal tinan 1.
Fonte: Notícias ao Minuto