Dili, 29 Setembru 2022 - Sekretáriu Estadu ba Komunikasaun Sosiál (SEKOMS), Merício Juvinal dos Reis, halo abertura no lansamentu ba relatóriu peskiza "Jóven Dijitál iha Timor-Leste" ne'ebé organiza hosi Asia Foundation no OXFAM iha salaun Suai Room, Timor Plaza, Dili.
Iha okaziaun ne'e, Merício hatete katak relatóriu peskiza ne’e sei tulun Governu hodi dezenvolve setór komunikasaun no liuliu sai nu’udar referénsia hodi hahú diskuti transformasaun dijitál iha Timor-Leste.
Mídia SEKOMS deskreve katak rezultadu hosi peskiza hatudu evidénsia vontade jóven Timor-oan nian ne’ebé aas hodi adapta-an ba iha plataforma dijitál. Nune’e, Governu iha ona hanoin hodi dezenvolve esbosu lei sibernétika ne'ebé sei proteje sidadaun sira-nia direitu ba asesu informasaun ho seguru.
Fonte: Mídia Secretário de Estado Para a Comunicação Social (SECOMS)