
CNBC, 6 Fevereiru 2023 - Google iha segunda ne'e (06/02) anúnsia teknolojia chatbot intelijénsia-artifisial (AI, sigla Inglés) ida ho naran "Bard" ne'ebé empreza planeia atu hahú halo lansamentu iha semana oin mai. Bard sei kompete diretamente ho rivál ChatGPT, servisu AI ne'ebé kria hosi startup OpenAI.
Bard mai hosi modelu linguístiku bo’ot hanaran LaMDA, ka Modelu Linguístiku ba Aplikasaun Diálogu. Google sei halo teknolojia konversasaun ne'e loke ba "testadór sira ne'ebé konfiante" molok disponibiliza ba públiku, hateten Google iha ninia blog iha segunda, 6 Fevereiru 2023.
Semana ikus ne'e, CNBC relata katak Google halo teste ba funsionalidade balu ho ninia empregadu sira hanesan parte ida hosi planu "code red" atu responde ba ChatGPT, chatbot populár ne'ebé apoia hosi Microsoft. Funsionalidade sira inklui chatbot ho naran "Apprentice Bard", no mós dezeñu peskiza ba desktop foun ne'ebé bele uza iha formatu pergunta-resposta.
Notísia kompletu bele le'e iha notísia CNBC nian ka le'e Google ninia anúnsiu iha Google blog.
Fonte: CNBC International













