
Dili, 18 setembru 2023 - Reprezentante Espesiál Governu Austrália ba Negosiasaun no Dezenvolvimentu Greater Sunrise, Steve Bracks, hateten katak sira iha kompromisu hodi servisu hamutuk ho governu Timor-Leste atu haree mekanizmu kona-ba implementa projetu esplorasaun minarai iha plantasaun Greater Sunrise, no asuntu ida ne'e governu rai rua sei deskute kle'an liután iha fulan Juñu tinan 2024.
"Austrália rekoñese projetu Greater Sunrise importante tebes ba povu no família Timor-Leste hotu. Ami iha kompromisu servisu ho Timor-Leste oinsá mak atu dezenvolve projetu Greater Sunrise ne'e ba oin ho maneira ida ne'ebé mak téknika no komersiál viavél ba projetu ida ne'e”, dehan Steve Bracks, hafoin enkontru ho Primeiru Ministru, Kay Rala Xanana Gusmão iha (18/09) iha Palásiu Governu, Dili.
Steve Bracks ema ida ne’ebé mak uluk servisu hamutuk ho advogadu Timor-Leste, Bernard Colaery no Harold Mitchell, hodi fó apoiu másimu ba Timor-Leste nia luta ba soberánia fronteira marítima ho Austrália.
Fonte: Mídia Gabinete do Primeiro-Ministro (GPM)














