Ainaru, 11 Jullu 2021 – Governu liuhosi Vise Primeira-Ministra Armanda Berta, Ministru Koordenadór ba Asuntu Ekonómiku (MKAE) Joaquim Amaral no Reprezentante Prezidente Parlamentu Nasionál Deputadu Antoninho Bianco, iha domingu (11/7) ne’e, inaugura Sukursal Banku Nasionál Komérsiu Timor-Leste (sigla portugés BNCTL) Munisípiu Ainaru nian.
Iha okaziaun refere, BNCTL mós selebra nia aniversáriu ba dala-X hodi lansa produtu balu ne’ebé hanaran Depózitu Pensionalista no Kréditu Pensionalista ba timoroan hotu-hotu ne’ebé hakarak atu sai kliente ba iha BNCTL.
Serimónia inaugurasaun ne’e partisipa mós hosi Vise Governadora Banku Sentrál Timor-Leste (sigla portugés BCTL) Nur Aini Alkatiri, Prezidente Kámara Komérsiu Timor-Leste (sigla portugés CCI-TL) Oscar Lima, Konselleiru Máximu partidu KHUNTO José dos Santos Naimori, Prezidnte Konsellu Administrativu BNCTL António Francisco Vitor no autoridade lokál Ainaru.
Fonte: Ministério Coordenador dos Assuntos Económicos (MCAE)